بوراك بالدجاج رائع

المقادير

صدر دجاج او اقل (على حساب عدد الافراد)
بصلة + 02 سنينات ثوم
حبيبات زيتون مغليين و مقطعين دوائر
قليل من الفطر (ليس ضروري)
قليل من الملح + فلفل اسود + سكنجبير

نقلي الدجاج مع الزيت حتى يتحمر نضيفلوا البصل مقطع صغير مع الثوم .
حطي الملح (شويا ) +فلفل اسود + سكنجبير + الماء باش يطيب الدجاج.
زيدي الزيتون المقطع دوائر مع الفطر المقطع شرائح.
كي يطيب و تكون لا صوص نشفت نحيو الدجاج و نفتتوه و نروحوا نوجدوا لا صوص بالجبن :

كأس حليب بارد نحطولو ملعقة كبيرة و نصف مايزينة + حبة بيض و نخلطوا جيدا و نحطوها فوق النار مع التحريك حتى تثقال.
كي تثقال انحوها من النار و نزيدولها 02 قطع تاع fromage chef مع شويا gruyere او chedar و اي نوع من الجبن اللي تفضليه و خلطي حتى يذوب
زيدي فلفل اسود .

خذي الدجاج المفتت و اخلطيه مع صوص الجبن و خليها تبرد ثم شكلي البوراك نتاعك و قليه

حلوة سهلة واقتصادية براوني البيمو

المقادير / تعطينا 48 حبة
2 علب بيمو مطحون
3 حبات بيض كبار او اربعة صغار
2 اكياس خميرة
3 ملاعق كبار عسل
ملعقة سكر كلاصي ***ادا ماشي متوفرعوضيها ملعقة عسل ****
3ملاعق كبار كا كاو
250غ زبدة
فرينة حسب الحاجة
مقادير الكريمة /
ربع لتر حليب
3 ملاعق كبار مايزينة
200غ زبدة طرية
قرصة ملح
200غ الى 250غ سكر كلاصي
للتزين /
كريمة الزبدة
علبة بيمو مطحونةجدا ومغربلة
طريقة التحضير/
نفتت البيمو ونطحنوه

نحطوه ونضيفو ليه الزبدة والعسل

نخلطو مليح حتى يتشمخ البيمو

نضيف البيض والكاكاو والخميرة

ثم نجمعوه بالفرينة لازم يبقى طري

نبسط العجينة ونقطعها دوائر ممكن تستعملي كاس الشاي ادا معندكش طابع دائري

نحطوهم في صنية الفرن كي يحمارو من تحت اشعلي الفوق لدقائق فقط

هاهوما بعد ما طابو الحبات

طريقة تحضير الكريمة /
وكريمة الزبدة نعتمدها من قبل
ربع لتر حليب بارد +3 ملاعق مايزينة-قرصة ملح نخلطوهم مع بعض من بعد نحطهم فوق النار حتى تثقل
200غ مرغرين طرية +كاس سكر رطب نضربوهم مليح ثم نضيف الخليط تدريجيا +نكهة فاني او اي حاجة تحبيها هاهي جاهزة

بواسطة الكريمة نلصق حبة مع حبة ثم نحط الكريمة كامل على الحبة ونرمدها في بيمو مطحون رقيق جدا

تعطي شكل جميل وجديد وسط الحلويات

هاهو شكل الحبة من الداخل


نتمنى تعجبكم وتجربوها ان شاء الله والاكثر تفيدكم  

بسبوسة بالقشطة رااائعة

المقادير

سميد ناعم: كوب ونصف
حليب بودرة: كوب ونصف
سكر البودرة: كوب وربع
بيكنج بودر: ملعقة صغيرة ونصف
الزبدة: اصبح (لينة)
القشدة: 3 علب
القشدة: 7 علب (صغار قشطة (طازجة) العلبة 100غم الحشوة)
قطر: كوب ((شيرة) الحشوة)
فستق حلبي: حسب الرغبة (مفروم، للتزيين)

طريقة تحضير بسبوسة بالقشطة :

1. نضع الزبدة ونضيف فوقها السميد وحليب البودرة والسكر البودرة والبيكنج باودر نفرك المزيج باليد.

2. نضيف 3 علب القشطة ونحرك المزيح حتى يصبح كالعجين الطري وتختلط المكونات.

3. نصب نصف المزيج في صينية غير لاصقة أو بطبق الفرن بعد دهنه بالقليل من الزبدة.

4. نخفق القشطة الطازجة بالملعقة لتصبح سائلة ونضيفهم فوق طبقة البسبوسة ثم نضع النصف الباقي من العجينة فوق القشطة ببساطة حتى لا تخلتط الطبقات.

5. تخبز في فرن محمى حتى يصبح الوجه ذهبي ثم نخرجها من الفرن ونصب القطر فوقها ونزينها بالفستق الحلبي وتقدم دافئة.   

معمول هايل بطريقة بسيطة

السلام خواتاتي

لبارح ريسكيت و درت المعمول خاطش أول مرة نديرة



و كان عندي تخوف منو خاطش درتو مع وحدة و مخرجلهاش مليح شكيت في المقادير و خرج عندي الحق

لذلك حبيت نعطيكم الطريقة الصحيحة

الطابع و الشكل



نصيحة : ديرو في الشكل الصغير فيهم خاطش الحبة تكبر في الكوشة

الطريقة :

التمر أنا بهاذو المقادير كفاني علبة وحدة من الغرس التمر المطحون

فتيه بين صباعتيك باش تحسي اذا كاين عضام التمر

ثم ضيفيلو قرفة مرحية + حبات قرنفل مرحي + حبة كبابة مرحية + شوية زيت

حطيه يفور في كسكاس و قدرة

غير تشوفي طلعلو لفوار شوية نحيه

غطيه و خليه يبرد

كي يبرد شكليه كريات متوسطة (ما كبيرة يجي المعمول غير تمر، ما صغيرة حتى يبداو يحوسو على التمر ههههه)

خليهم محطوطين حتى يوجد العجين للتشكيل في الطابع

في اناء خلطي جميع المكونات الناشفة مغربلة لازم مغربلة (التغربيل لازم يكون خطوة ضرورية في كل وصفة تديريها هذا سر الحلويات)

2 كاس دقيق رطب (تاع المطلوع) + 1 كاس فرينة + 1 كاس حليب غبرة + نصف كاس مايزينة + 3 ملاعق كبيرة سكر ناعم + ملعقة صغيرة خميرة

فورية + فانيليا ملعقة صغيرة + زريعة البسباس مرحية ناعمة (غربلي كلش ماتنسايش)

في اناء الخلط (أنا درت في جفنة العجن)

خلطي 250غ زبدة طرية (تكوني خرجتيها من الثلاجة بساعات قبل البدأ + 2 صفار بيض بيدك حتى تولي كريمة

زيديلها المكونات الناشفة و خلطي (ماتعجنيش غير جمعي المكونات مع بعض )

زيديلها ربع كاس ماء لا أكثر و لا أقل فيه بعض القطرات تاع ماء الزهر

العجينة حتبانلك جارية شوية لكن ماتخافيش كي يدخل فيها الماء مليح

حطيها في اناء يدخل الثلاجة و غطيها بورق الفيل الغذائي و خليها تريح 45 دقيقة

كي تخرجيها حتلقايها نشفت من الماء

الان شعلي الفرن درجة 180

و بداي تعملي الحبات

أحكمي الطابع حطي فيه ساشي باش متلصقش العجينة

حطي قطعة من العجينة قد الشكل لي خيرتيه و رجعي عليه الساشي و حفريه باش تدخل فيه التمر

حطي كرية التمر وغلقي عليها بالعجين

رجعي عليها الساشي و عبزي مليح الحبة باش فائض العجينة يبانلك و تنحيه

حطي الحبة في السنيوة لي تدخل الفرن

كي تكملي التشكيل حطي السنيوة في الفرن نقسيلو شوية النار

كي يحمار من التحت شعليلو يحمار قليلا جدا من الفوق

أنا شد معايا 6 د من التحت و 3 د من الفوق

غير يخرج فورا ومتبطايش رشي عليه بالصفاية تاع لحليب سكر غبرة مخلط مع قرفة غبرة

وخليه

كي يبرد تماما بعد 1 سا ديريه في ليكيسات



أرجو التفاعل ولي جرب تعطينا رأيها

تنبيه : الصور من غوغل لكن أنا خرجلي نفس الشيء لا استطيع التصوير لأني عندي طابع نفس الشكل

معلومة : هناك ألة طهي خاصة بالمعمول لا أعرف اذا تباع في الجزائر هذه هي صورتها

إضغط هنا لمشاهدة الصورة كاملة

و تقدري تستعملي أي طابع أخر المهم يساعدك في الطريقة 

طريقة سهلة ورائعة لصنع تحلية لذيذة

طريقة سهلة ورائعة لصنع تحلية لذيذة

الفيديو على اليوتوب

https://www.youtube.com/watch?v=UeeiA3giOrU&feature=share

قولو وداعا لبائع الحلوى اربع طرق مختلفة لتزيين الحلوى في البيت

السلام عليكم

قولو وداعا لبائع الحلوى اربع طرق مختلفة لتزيين الحلوى في البيت

رابط الفيديو على اليوتوب

مشاهدة ممتعة

طريقة تحظير عصير البطيخ

طريق تحظير عصير الفواكه بالحليب

حلوى بالشيكولاطة سهلة ورائعة

اليوم جبتلكم قاطو النيقرو من وصفات أمي القدييييييييمة .... جربتو و جا هاااايل بنين و هشووووووش و سماوه النيقرو لانو يجي كحلوش و ماهوش حلو بزاف كيما لي نيقرو الاسم الذي يطلق على اصحاب البشرة السوداء اصحاب الأنوف الكبيرة
بسم الله نبداو
المقادير : ل 70 حبة و شوي
500 g مارغرين طرية
كاس نشاء
200 غ سكر و اذا تحبيه حلو زيدي من 3 الى 4 ملاعق كبار سكر
10 ملاعق كبار كاكاو الميزان
4 صفار بيض
2 خميرة
فرينة
فاني
للتزيين :
شكولاطه بيضاء و سوداء
[COLOR="rgb(112, 128, 144)"]و نحتاجه خليط الكونفيتير و الزبده باه نلصقو كل زوج حبات او تقدري تستعملي فوندو او اي كريمه تحبي
كيفية التحضير:
الهام مافهمتش ألطريقه ههههه يبان القاطو هادا صاروخ يابنتي صابلي برك
خلطي زبده و سكر مليح أضيفي البيض و خلطي و الكاكاو و الفاني ثم الفرينه و الخميره
قطيعتهم دوائر و دخليهم يطيبو
لصقي كل زوج حبات مع بعض بالفوندو او خليط المربى و الزبده
ديري قلاصاج شكولاطه عادي بالحليب و الشكولاطه على حمام مائي مع التحريك بعد ان تذوب كل الشكولاطه
اغطسي الحبه في الشكولا و قبل ماتنشف اعملي خطوط بيضاء من الشكولاطه البيضاء و زوقي بالكيغدو و شهيه طيبه 

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

صابلي بالكوك محمر

لمقادير:
250 غ زبدة + كاس سكر قلاصي + كاس زيت + 2بيضات + 80 غ كوك محمر ومطحون مليح + 2 م ك مايزينا + الطحين حسب الخليط
للتزيين شيكولا بيضاء + كوك + شيكولا سوداء

طريقة التحضير:
نقطعو الصابلي وندخلوه اطيب
نديرو النصف فالشيكولا البيضاء والكوك
والنصف فالشيكولا السوداء

المصبعة بطريقة جد مبسطة

المقادير:
500غ دقيق (farine)
¼ كوب سكر
1 كيس فانيلا 
مبشور الليمون1
250غ زبدة تكون ذائبة عاديا يعنى مرهم (pommade )
4 صفار بيض / ونحتفظ بالالبياض 
¼ كيس خيرة كيمياوية –pb- 
لوز مقشرة و مهرمش - مربى المشمش للتزيين .

طريقة التحضير:
في اناء خاص نضع السكر +الفانيلا + الزبدة +مبشور الليمون +4 صفار البيض نخلط الكل جيدا باليد ثم نضيف الخميرة الكمياوية مع قليل من الدقيق بعدها نبدأ بإضافة الدقيق الباقي شيئا فشيئا مع الخلط دائما إلى أن نتحصل على عجينة طرية سهلة التكوير .
نشعل الفرن .
نصنع كويرات متوسطة الحجم (مثلا كحبة الجوز) كما في الصورة .
 
ثم بواسطة الإصبع (الشاهد) نعمل ثقب في الوسط 
 
بعدها نمسكها من الأسفل و ندخل الوجه في بياض البيض ثم في الوعاء الذي به اللوز . 
 
 
بعدها توضع في الصينية تطهى في فرن متوسط الحرارة . إلى أن يصبح الوجه ذهبي مائل إلى الإحمرار .
تخرج من الفرن وتترك إلى أن تبرد ، نزين الوجه بمربى المشمش .
و بصحة وعافية .
ملاحظة: 
يمكن إستبدال اللوز بالفول السوداني ، أو الفستق . إذا استعملتم الفستق فمن الحسن استعمال مربى الفراولة أو أي مربى احمر اللون سيكون أحلى .

غريبية على شكل وردة بلونين

لمقادير: 
250gr de beurre الزبدة
250g sucre glacé سكر كلاسي
+ 2 كيسان الزيت
+خمارة
+cacao ou chocolat en poudre
+farine suivant le besoin


طريقة التحضير:
يجمع العجين ونأخد شوية منها, ونعمل فيه كاوبيل ونعمل منهم كويرات .
نأخد كويرات اللون الابيض اكبر من اللون الاسود ونعمل منهم غريبة على شكل وردة
بالصحة و الراحة
​

صابلي بنكهة النيسكافي

للعجينة :


250غ مارغارين فلوريال ،5 م ك سكر ناعم،3 صفار بيض،3 م ك نشاء ،2 م ك نيسكافي سائلة مركزة،1 م ص نكهة القهوة( انا شريت نتاع الميزان اللي تتباع سائلة عند اللي يبيعو لوازم الحلويات نكهتها مركزة )

½ خميرة حلويات ، 1 م ك فاني ، فرينة لجمع العجينة

للكريمة :

100غ زبدة ستار،5م ك سكر ناعم،2/3 علبة دانيت شوكولا،1م ك فاني،2م ص نكهة قهوة، نيسكافي سائلة مركزة حسب الحاجة 


للقلاصاج :

500-400شوكولا بيضاء ،1م ص نكهة قهوة، حليب حسب الحاجة،نيسكافي سائلة حسب الحاجةوهذي صورة الشوكولا المستعملة ماديروش نتاع 
الميزان ماشي بنينة كاينة بيضاء أو سوداء اللي تحبو أشريو منها للقاطو واستعملوها هي أحسن من شوكولا الميزان 


الطريقة :

- نحضر عجينة الصابلي:
نضرب الزبدة والسكروالفاني مليح ونضيف القهوة السائلة ونكهة القهوة ثم نضرب ونضيف النشاء والخميرة ونخلط ثم الفرينة نضيف غير بالشوية هذا الصابلي راهو ينشف بسرعة حذاري لازم نخلي العجينة طرية مايجيش الصابلي يابس لأن القهوة تيبس الصابلي
- ونطرحها ونطبعها ونطيبها ومانحمرهاش في الطياب باش يجي طري الصابلي .

- نحضر الكريمة:نطلع مليح الزبدة على أقصى سرعة ممكنة مع السكر والفاني ثم نضيف الدانيت ونكهة القهوة ونضرب ثم نضيف النيسكافي بالشوية ونطلع حتى نحصل على كريمة خفيفة ونذوق إذا محتاجة سكر نزيد
حذاري ، القهوة المركزة نضيف بالشوية يعني بالملعقة نتاع الأكل كل مرة ونخلط لو نبالغ في وضع السوائل رايح تفسد الكريمة وترجع تشبه للحليب لما يروب

- نلصق حبات الصابلي بالكريمة وتكون طبقة الكريمة باينة (1م ص لكل حبة ) ... كمية الكريمة راهي مضبوطة لايفترض أن تبقى كريمة بعد الانتهاء .
الكريمة رايحة تزيد تبنن وطري الصابلي 

- نذوب الشوكولا البيضاء : في حمام مائي نحط الشوكولا البيضاء مبشورة مع نكهة القهوة وشوية قهوة مركزة ونخليها تذوب ... لما تذوب نحرك ونضيف القهوة السائلة وإذا حسيتوها رايحة ترجع غامقة في اللون نضيف حليب حتى نحصل على القوام المطلوب ، المهم ضيفو السوائل غير بالشوية باش ماتجراش الشوكولا من بعد ماتجمدش مليح

- نغطس حبات الصابلي في الشوكولا والتزيين حسب الرغبة ونخليهم يقطرو فوق شباك .
هذه الكمية تعطيك حوالي 40 حبة .

وهذي صورة الكريمة

أنا نقصت شوية شوكولا اللي ذوبتها مع النيسكافي وزدتلها شوية صغيرة شوكولا سوداء ذايبة تحصلت على لون بني فاتح حطيتو في كيس وذوبت شوية شوكولا سوداء وحدها مع شوية حليب وحطيتها في كيس وعملت قلاصاج منمر
على العموم القلاصاج المنمر أحسن شيء يجي بالقلاصاج باش يسيح ويجي مستوي أما بالشوكولا يجي بومبي ماشي مسطح وكل وحدة وذوقها 

وهذا تطبيق أختي 

كي تنشف الشوكولا مليح نزيل زوائد الشوكولا من الأسفل بالسكين باش جي خدمة نظيفة ومتقونة .إذا عملتو قلاصاج منمر ماديروش ملمع أما إذا عملتو قلاصاج عادي كيما نتاع أختي لازم ديرو ملمع ذهبي يجي باهي بزاف انا نسيت ماصورتوش .

طبعا لازم منين تخلصو تحطو الحبات في حاويات ورقية ويتخبى في علبة محكمة الإغلاق باش ماييبسش القاطو ويحتفظ برائحة القهوة الزكية .

وماتخافوش الشوكولا البيضاء هذي ماتذوبش في السخانة كيما الشوكولا السوداء على بالي رانا في الصيف نتفاداو حلويات الشوكولا .


وهذا درتو الاسبوع اللي فات لعرس بنت خالتي 

أتمنى جربوه ويعجبكم 

حلوى الطبقات بالمعجون

المقادير:
5 بيض
½ كأس سكر عادي
3 م ك عسل
1 م ص فانيليا
مبشورالليمون أو البرتقال
كأس مزيج من الزبدة الذائبة والزيت
1 علبة ياغورت طبيعي
قرصة ملح
3 م ك نشاء
2 خميرة كيميائية
700غ فرينة (حسب النوعية المستعملة)
مربى المشمش
شكولاتة مذوبة مع قليل من الحليب وقليل من الزيت للتزيين

طريقة التحضير:

في وعاء نخلط البيض، السكر، العسل والفانيليا بالخلاط الكهربائي حتى يتضاعف الخليط ويصبح أبيض.
أضيفي مزيج الزبدة والزيت، علبة الياغورت، قشور الليمون/أو البرتقال وقرصة الملح مع الاستمرار في الخلط.
غربلي كل من النشاء والفرينة والخميرة الكيميائية وأضيفي بالتدريج حتى تتحصلي على عجينة طرية.
اقسمي العجينة إلى 3 كريات متساوية.

إضغط هنا لرؤية الصورة بحجمها الطبيعي.

ادهني صينية الفرن بالزبدة ورشيها بالفرينة

إضغط هنا لرؤية الصورة بحجمها الطبيعي.

افردي الكرية الأولى وضعيها في الصينية مع ثقبها بالشوكة ونضع فوفها المربى دون الوصول إلى الحواف.

إضغط هنا لرؤية الصورة بحجمها الطبيعي.

ونفعل نفس الشيء مع الكرة الثانية ونضعها فوق الطبقة الاولى وندهن فوقها المربى.

إضغط هنا لرؤية الصورة بحجمها الطبيعي.

ونفس الشيء مع الاخيرة لكن بدون مربى .

إضغط هنا لرؤية الصورة بحجمها الطبيعي.

ندخلها الفرن على درجة حرارة 180° لمدة 25 إلى 30 دقيقة.

إضغط هنا لرؤية الصورة بحجمها الطبيعي.

وعندما تطهى نقلبها فوق شبك ونتركها حتى تبرد تماما.

إضغط هنا لرؤية الصورة بحجمها الطبيعي.

نذوب الشكولاتة ونضعها فوقها ونزينها بخطوط من الشكولاتة البيضاء

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ونقطعها الى معينات.

إضغط هنا لرؤية الصورة بحجمها الطبيعي.

عن قرررررررب

إضغط هنا لرؤية الصورة بحجمها الطبيعي.