شطيطحة صدر دجاج
هاذ النوع من الشطيطحة يحب نعملوها بصدر الدجاج
نقلي صدر دجاج زيت مع بصل مرابي ثوم مرحي 1 م ص فرينة
1 م ص هريسة زنجبيل مرحي فلفل اسود ملح افاح او كسبر خليط من المعدنوس والدبشة وعصرة قارص وحبة صغير نتاع طماطم مرحية نقلي كلش مليح مع التحريك سر بنة الطعام في التقلية لمليحة
ثم امرقي وخلي الدجاج يطيب
من بعد نحبه خليه يبرد ثم قطعيه قطع ماهم كبار ماهم صغار كيما في الصورة
وجدي بيضة و 2 م ك فرينة و1 م ص هريسة ملح فلفل اسود وكسبر مرحي خلطيهم ثم لفي هاذاك الدجاج في الخليط واقلي في الزيت حتى تتحصلي على لون ذهبي
ارجعي لوحيهم في المرق وخليه يخثارو ويغليو مليح مع اضافة عصرة قارص ورشة معدنوس
وبالصحة والهناء وهاذ الطريقة ايضا راهي بنينة وتحمر الوجه قدام العايلة
ليست هناك تعليقات:
إرسال تعليق